پاکستان جنوب مشرقی ایشیا ئی خطے دے نال سیا سی و تجارتی تعلقات اچ ودھارے دا خواہشمند ہے،آسیان دی پوری رکنیت سانگے خطے دے ملکاں نان نیڑے دے رابطے استوار کیتے ویسن
اسلام آباد ۔ 30 مئی (اے پی پی) صدر مملکت ممنون حسین آکھیا ہے جو پاکستان تھائی لینڈ دے نال تعلقات کوں بہوں اہمیت ڈیندا ہے تے پاکستان جنوب مشرقی ایشیائی خطے دے نال تجارتی تے سیاسی تعلقات اچ ودھارا چاہندے ۔صدر مملکت اے گالھ پاکستان دے نامزد سفیر تھائی لینڈ عاصم افتخار نال ایوان صدر اچ گالھ مہاڑ کریندے ہوئیں آکھی ۔صدر مملکت نامزد سفیر کوں آکھیا جو پاکستان کوں آسیان دی پوری رکنیت ڈیواونڑ سانگے خطے دے ملکاںنال نیڑے رابطے بنڑائے ونجن ۔انہاں ایں امید دا اظہار کیتا جو نامزد سفیر عاصم افتخار ڈوہیں ملکاں دے ڈو پاسے تعلقات دے ودھارے اچ اپنڑاں چنگاں کردار ادارکرن ۔ صدر مملکت نامزد سفیر کوں ہدایت کیتی جو او تھائی لینڈ اچ موجود پاکستانی کمیونٹی دے نال نیڑے رابطہ رکھن تے انہاں کوں ہر ممکن سہولتاں ڈتیاں ونجن ۔
