کراچی ۔ 21 مئی (اے پی پی) صدر مملکت ممنون حسین آکھے جو لوکیں کوں آپنڑاں حق گھننڑ سانگے ڈوجھیاں تے انحصار دی بجائے آپنڑیں اندر خود اعتمادی پیدا کرنڑیں چاہیدی ہے ۔ ایں طرح معاشرے اتے ریاست ولوں آونڑآلیاں ذمہ داریاں دی ادائیگی اچ وی کئی کوتاہی نہیں کرنڑیں چاہیدی ۔ صدر مملکت اے گالھ اتوار کوںاتھاں زندگی دے مختلف شعبیاں نال تعلق رکھنڑآلے وفود نال گالھ مہاڑ کریندے ہوئیں آکھی ۔ وفود اچ قنون دان، ماہرین تعلیم اتے دانشوراں سمیت معاشرے دے نمائندہ افراد شامل ہن ۔ صدر مملکت آکھیا جو قومی ترقی کو ںحقیقی بنیاد تعلیم فراہم کریندی ہے ، ایں سانگے لازمی ہے جو تعلیمی اداریاں اچ معیاری نظم وضبط قائم تھیوے اتے تعلیم دے معاملے اچ کہیں وی اسلیٹ نال کم نہ گھدا ونجے ۔ صدر مملکت آکھیا جو پاک چین اقتصادی راہداری اتے ہک خطہ ہک سڑک منصوبہ پاکستان کیتے اللہ دی خاص عنایت ہن ، جیندے نال بھرپور طریقے توں فیدہ چاونڑ کیتے لازمی ہے جو اساڈے نوجوان سارے لازمی اتے جدید علوم و فنون اچ بہترین مہارت حاصل کرن۔ ایں بارے تعلیمی اداریاں دا کردار بہوں اہم ہے ۔ صدر آکھے جو تعلیمی معاملیاں اچ او آپ گہری دلچسپی گھندے ہن اتے تعلیمی مسلیاں دے حل کیتے ایوان صدردے دروازے ہرے ویلے راہندے ہن ۔ صدر مملکت آکھیا جو معاشرتی ڈسپلن دے قیام اچ عدلیہ دا کردار بہوں اہم ہے اتے اساڈیاں عدالتاں ایں بارے قابل قدر کردار ادا کیتے ہے۔ انہاںآکھیا جو تعلیمی اداریاں اچ بدعنوانی کوں فروغ ڈیونڑآلے عناصر دے نال سختی نال نبڑنڑ دی لوڑ ہے ۔ ایں معاملے اچ معاشرے دے ہر فرد اُتے بھاری ذمہ داری آندی ہے ۔ صدر مملکت نال پاک مسلم اتحاد دے عہدے داراں وی ملاقات کیتی۔ صدر مملکت انہاں کوں بنگالی بولنڑآلے پاکستانیاں دے مسلیاں دے حل دا یقین ڈیوایا اتے آکھیا جو انہاںمسلیاں دے حل بارے ہر ممکن اقدام کیتے ویسن ۔
