اسلام آباد ۔ 29 مئی (اے پی پی) مسلم لیگ (ن) دے مرکزی رہنما دانیال عزیز آکھیا ہے جوترائے سال گزر ونجنڑ دے باوجودہک اہم کیس اچ عمران خان کوں نوٹس تئیں کائنی بھیجا گیا ، عمران خان کہیں عدالت اچ پیش کائنی تھیندے پے ، کئی واری درخواست دے باوجود عمران خان دے خلاف جے آئی ٹی کائنی بنڑائی ویندی پئی ۔ الیکشن کمیشن اچ جواب جمع کراونڑ سانگے عمران خان خود 29 مئی دی تاریخ منگی ہئی تاں جو اج او ہک کاغذ دا ٹکڑا پکڑا تے چلے گن ۔او سنوار کوں اتھاں الیکشن کمیشن دے باہروں میڈیا نال گالھ مہاڑ کریندے پے ہن ۔انہاں آکھیا جو عمران خان دے کیس اچ ولا ولا اے درخواست ڈتی گی جو تحقیقات سانگے جے آئی ٹی بنڑائی ونجے ،قنون توں کوئی بالا تر کائنی ،ولا ولا درخواست دے باوجود جے آئی ٹی کیوں نی بنڑائی ویندی پئی ،عمران خان پہلے 10ارب دی پیش کش دا بیان ڈتا ،الیکشن کمیشن تے ایف بی آر دے چیئرمین بارے الزام وی لاتے انہاں دے خلاف کوئی کاروائی نی تھیونڑیں چاہیدی
