اسلام آباد ۔ 2 مئی (اے پی پی)مسلم لیگ (ن) دے رہنما دانیال عزیز آکھیا ہے جو عمران خان سیاسی پوائنٹ سکورنگ سانگے احتساب دا نعرہ لیندے ہن اتے جہانگیر ترین ہنڑ احتساب توں بھجدے پن اساں انہاں کوںپکڑ پکڑ تے عدالت دے سامنڑے گھن آسوںاو۔ سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو جڈاں پاناما پیپرز کیس کوں سپریم کورٹ اچ روزانہ دی بنیاد تے سنڑیا گیا ایں ویلھے عمران خان سینہ تانڑں تے آکھدے ہن جو اگر غلطی نی کیتی تاں گھبراونڑ دی ضرورت کائنی ،اگر چوری نی کیتی تاں تلاشی ڈیون تاں جو وزیراعظم نواز شریف خود سمیت اپنڑیاں ترائے نسلاں کوں احتساب سانگے پیش کر ڈتا تے اج عمران خان تے جہانگیر ترین الیکشن کمیشن ،ہائی کورٹ تے سپریم کورٹ ولوں منگے گے ثبوت ڈیونڑ دی بجائے لکنڑ دی کوشش کریندے پے ہن ،دانیال عزیز آکھیا جو عمران خان خیبر پختونخوا اچ 90ڈینھ دے اندر احتساب دا نعرہ لاتا ہئی اج چار سال تھی گے ہن صوبے اچ احتساب دا ناں نشان کائنی اگر کمیشن بنڑاونڑ دی کوشش کیتی تاں اینکوں کجھ مہینے دے اندر اندر ہی تالے لا ڈتے ویسن ۔انہاں آکھیا جو مسلم لیگ ن واحد جماعت ہے جیرھی جو اپنڑاں حساب ڈیندی پئی ہے تے ڈوجھیں کوں وی پکڑ،پکڑتے عدالتاں اچ گھن آندی پئی ہے ۔انہاں آکھیا جو پاکستان دے عوام با شعور ہن اتے جانڑدے ہن جو کون دل تے نیت نال عمل احتساب چاہندا ہے تے کون نعریں توں کم گھندا ہے پچھلے دروازے توں اقتدار دے حصول دی کوشش کریندے پن ،اساں ہر ڈینھ قوم کوں عمران خان دے کالے دھن بارے ڈسا ڈیسوں انہاں کوں قوم دے سامنڑے نشابر کریسوں ۔
