اسلام آباد۔ 25 مئی (اے پی پی) مسلم لیگ (ن) دے رہنما دانیال عزیز آکھیا ہے جو عمران خان نقلی منی ٹریل جمع کرائی ہے انہاں کوں ہک کوڑ لکاونڑ سانگے سو کوڑ مارنڑے پوسن ۔سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو عمران خان ولوں جمع کرائی گئی منی ٹریل توں پتہ لگیا ہے جو انہاں جمائمہ خان توں جیرھا قرض گھدا ہی کائناں ہئی او 18 اپریل 2003 ءکوں واپس کر ڈتا ۔ایں گالھ نال اے واضح ثابت تھیندا ہے جو اصل قرض راشد خان گھدا ہئی جیں دا راشد خان من وی گھدا ہے انہاں توں گھدا گیا قرض 2002 اچ عمران خان کوں واپس کر ڈتا ہئی ۔
