اسلام آباد ۔ 11 مئی (اے پی پی) مسلم لیگ (ن) دے رہنما طلال چوہدری آکھیا جو عمران خان عدالت توں اینویں بھجدے پے ہن جیویں نالائق بال سکول توں بھجدا ہے تلاشی ڈیونڑیں پوسی ۔سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو پاناما پیپرز کیس دی سنڑیج دے دوران عمران خان ہک لائق بال وانگوں کمرہ عدالت اچ آندے ہن ہنڑ عدالت توں بھجدے پے ہن جیویں نالائق بال سکول توں بھج ویندا ہے انہاں آکھیا جو وزیراعظم نوا ز شریف اپنڑی تے مرحوم والد سمیت ترائے نسلاں دی تلاشی ثبوتاں دے نال ڈتی ہے ۔انہاں آکھیا جو عمران خان کوں جتنا وقت چاہیدا ہے ڈیونڑ سانگے تیار ہوں اساں انہاں کوں بھجداہویا نی ڈیکھنڑ چاہندے ۔طلال چوہدری آکھیا جو اے حنیف عباسی دی پٹیشن دا پہلا الزام ہے تے عمران خان ہک گلی توں ڈوجھی گلی اچ بھجدے پے ہن
