فاٹا’ آزاد جموںتے کشمیر گلگت بلتستان دے ترقیاتی پروگراماں سانگے فنڈز دی فراہمی انہاں دا حق ہے ، بجٹ دے بعد چارے صوبیں دے وزیر اعلیٰ کوں سڈ تے فیصلہ کیتا ویسی ، وفاقی وزیر خزانہ اسحاق ڈار دا ایوان بالا اچ نکتہ اعتراض دا جواب

اسلام آباد ۔ 29 مئی (اے پی پی) وفاقی وزیر خزانہ اسحاق ڈار آکھیا ہے جو فاٹا ‘آزاد کشمیر اتے گلگت بلتستان دی ترقی سانگے صوبیں کوں قابل تقسیم محاصل دے حصے توں رقم ڈیونڑیں چاہیدی ہے ‘ سکیورٹی معاملات تے سالانہ 90 توں 100 ارب روپے خرچ تھیندے پن’ ٹیکس وصولی اچ ودھارا تھیندا پیا ہے تاں انہاں علاقیں سانگے فنڈز اچ کوئی حرج کائنی۔ سنوار کوں ایوان بالا اچ سینیٹر الیاس بلور دے نکتہ اعتراض دے جواب اچ انہاں آکھیا جو مشترکہ مفادات کونسل دے اجلاس اچ وی آزاد کشمیر دے وزیراعظم’ گلگت بلتستان دے وزیراعلیٰ اتے خیبر پختونخوا دے گورنر اے معاملہ چاتا ہئی ۔ سیکیورٹی معاملات تے 90 توں 100 ارب روپے خرچ تھیندے پن۔