اسلام آباد ۔ 26 مئی (اے پی پی) آندے مالی سال2017-18دے دوران فنانس ڈویژن دے زیر انتظام 14مختلف ترقیاتی منصوبے شروع کیتے ویسن جنہاں اتے مجموعی طور تے تخمینہ 29ارب22کروڑ47 لکھ 11 ہزار روپے لاتا گیا ہے جیں اچ13ارب 84کروڑ64لکھ60 ہزار روپے دی غیرملکی امداد شامل ہے۔ پبلک سیکٹر ڈویلپمنٹ پروگرام (پی ایس ڈی پی ) دی رپورٹ دے مطابق آندے مالی سال دے دوران انہاں منصوبیاں کیتے کل ہک ارب 96کروڑ3 لکھ 52 ہزار روپے دا بجٹ رکھیا گیا ہے جیں اچ 41کروڑ54لکھ دو ہزار روپے دی غیرملکی امداد شامل ہے جڈاں جو انہاں منصوبیاں دے پورا تھیونڑ کیتے وفاقی حکومت آندے مالی سال دے دوران ہک ارب54کروڑ 49 لکھ 50 ہزار روپے دے مالی وسائل ڈیسی ۔
