فوجی عدالتاں توں سزائے موت پاونڑ آلے مزید 2 خطرناک دہشت گرداں کوں پھاسی چاڑھ ڈتا گیا

راولپنڈی ۔ 24 مئی (اے پی پی) فوجی عدالتاں توں موت دی سزا پاونڑ آلے مزید ڈو خطر ناک دہشت گرداں کوں پھاسی ڈے ڈتی گی اے دہشت گرد آرمی پبلک سکول پشاور‘ سکیورٹی فورسز اتے سویلین تے حملے اچ ملوث ہن ۔پاک فوج دے شعبہ تعلقات عامہ(آئی ایس پی آر) دے مطابق عطاءاللہ اتے تاج محمد دا تعلق کالعدم تنظیم تحریک طالبان پاکستان توں ہئی‘مجسٹریٹ اتے فوجی عدالت اچ سارے جرم دا اعتراف کرنڑ تے انہاں کوں پھاسی دی سزا ڈتی گی ۔پاک فوج دے سربراہ جنرل قمر جاوید باجوہ انہاں دہشت گرداں دے ڈیتھ وارنٹ تے دستخط کر تے سزائے موت دے فیصلے دی توثیق کیتی ہئی ۔