موجودہ حکومت اعلان نی عملی اقدامات تے یقین رکھیندی ہے ، ڈپٹی سپیکر قومی اسمبلی مرتضیٰ جاوید عباسی داایبٹ آباد پریس کلب دے نویں منتخب عہدیداراں دی تقریب حلف برداری توں خطاب

اسلام آباد ۔ 2 مئی (اے پی پی) ڈپٹی سپیکر قومی اسمبلی مرتضیٰ جاوید عباسی آکھیا ہے جو موجودہ حکومت اعلان نی عملی اقدامات تے یقین رکھیندی ہے ، وزیر اعظم نواز شریف دے وژن دے مطابق پاکستان دے مستقبل کو ںمحفوظ بنڑاونڑ سانگے سارے صوبیں اچ نمایاں اقدامات کیتے گے ہن ،وفاقی حکومت بجلی دے منصوبیں تے ودھ ساری سرمایہ کاری کیتی ہے ،حکومت ہزارہ ڈویژن اچ بجلی دی فراہمی دے 7ارب روپے دے فنڈزخرچ کیتے ہن ۔ انہاں خیالاں دا اظہار انہاں ایبٹ آباد پریس کلب دے نویں منتخب عہدیداراں دی تقریب حلف برداری توں خطاب اچ کیتا ۔انہاں آکھیا جو موجودہ حکومت آزادی صحافت تے یقین رکھیندی ہے ۔میڈیا جمہوریت سانگے قربانیاں ڈتیاں ہن ۔انہاں ایں گالھ دا یقین ڈوایا جو صحافی بھراواں نال کیتے گے وعدے پورے کیتے ویسن ۔