اسلام آباد ۔ 05 مئی (اے پی پی) سینیٹ دی قائمہ کمیٹی موسمیاتی تبدیلی پاکستان ٹیلیویژن دے سینئر رپورٹر ارسلان اسد تے وزارت دے سیکشن افیسردے تشد د دی سخت مذمت کریندے ہوئیں وفاقی وزیر زاہد حامد کوں ہدایت کیتی ہے جو او ایں معاملے دی تحقیقات کرتے متعلقہ افسر دے خلاف کاروائی کرن ۔جمعے کوں قائمہ کمیٹی دے اجلاس اچ کمیٹی دے چیئر مین سینیٹر یوسف بادینی ارسلان اسد تے وزارت موسمیاتی تبدیلی دے سیکشن افسر دے تشدد دا معاملہ چاتا ۔کمیٹی دے رکن مشاہد حسین سید وی ایں واقع تے حیر ت دا اظہار کیتا تے آکھیا جو افسر داوفاقی وزیر دی تقریب اچ ہک صحافی تے تشدد ناقابل فہم گالھ ہے ۔کمیٹی آکھیا جو متاثرہ صحافی کوں ہر صورت اچ انصاف ڈتاونجے ۔
