اسلام آباد ۔ 27 مئی (اے پی پی) وزیر خزانہ سینیٹر اسحاق ڈار آکھیا جو نویں مالی سال دے بجٹ اچ ٹیکس وصولیاںدا ہدف 4013 ارب روپے تئیں ودھایا گئے۔ چھنڑ چھنڑ کوں اتھاں بجٹ توں بعد دی پریس کانفرنس نال الیندے ہوئیں وزیر خزانہ آکھیا جو جاری مالی سال کیتے ٹیکس وصولیاںدا ہدف 3500 ارب روپے ہے جیہڑا جو ہنڑ توں4013 ارب روپے کرڈتا گئے ، ایندے اچ عامی آدمی اُتے کئی وی نواں نیا ٹیکس کائنی لایا گیا۔ انہاں آکھیا جوآندے مالی سال دے بجٹ اچ 120 ارب روپے دے ٹیکس لاتے گئے ہن جڈانجو مختلف ٹیکساں اتے ڈیوٹیاں دی مد اچ 33 ارب روپے دا ریلیف ڈتا گئے ، جیندے بعد آندے مالی سال کیتے مجموعی طور تے نویں ٹیکساں دا حجم 87 ارب روپے بنڑدے جیہڑا جو بہوں معمول ودھارا ہے ۔ انہاں آکھیا جو عام آدمی اُتے ٹیکساںدا بار پاونڑدی بجائے نان فائلرز اُتے بار پاتا گئے ۔
