وزیراعظم محمدنوازشریف سعودی عرب دا ترائے ڈینھ دا دورہ پورا کرنڑ دے بعد مدینہ منورہ توں اسلام آباد سانگے روانہ تھی گے

مدینہ منورہ ۔ 23 مئی (اے پی پی) وزیراعظم محمدنوازشریف سعودی عرب دا ترائے ڈینھ دا دورہ پورا کرنڑ دے بعد مدینہ منورہ توں اسلام آباد سانگے روانہ تھی گے ہن ۔ پرنس محمد بن عبدالعزیز انٹرنیشنل ایئرپورٹ تے مدینہ دے گورنر شہزادہ فیصل بن سلمان اتے پاکستانی سفارتخانے دے اعلیٰ حکام وزیراعظم کوںرخصت کیتا۔ گورنر مدینہ نال گالھ مہاڑ کریندے ہوئیں وزیراعظم آکھیا جو پاکستان تے سعودی عرب وچال تعلقات آزمودہ ہن تے وقت گزرنڑ دے نال نال پکے تھے ہن ۔انہاں آکھیا جو اساں سعودی عرب دے نال اپنڑے تعلقات دی بہوں قدر کریندوں ۔وزیراعظم آکھیا جو پاکستان انہاں تعلقات کوں نویاں بلندیاں تے گھن ونجنڑ چاہندے ہن ۔وزیراعظم آفس ولوں جاری بیان دے مطابق ایں موقع تے گورنر مدینہ آکھیا جو اساں پاکستان دے نال اپنڑے تعلقات دی بہوں قدر کریندوں ۔