اسلام آباد ۔ 2 مئی (اے پی پی)مشترکہ مفادات کونسل اچ کچھی کینال کیس اچ بے ایمانی اچ ملوث حکام کوں عبرتناک سزا ڈیونڑ دا سانجھا فیصلہ کیتا گئے اتے وزیراعظم محمد نواز شریف آکھیا جو ماضی اچ ترقیاتی منصوبے کڈاہیں وی ویلھے تے پورے نی کیتے گئے اتے لاگت اچ ودھارا معمول بنڑ گئے ایں سانگے سارے منصوبیاں کوں منظور شدہ لاگت اتے نظام الاوقات دے اندر بہوں شفافیت نال پورا کیتا ونجے۔مشترکہ مفادات کونسل دا اجلاس وزیراعظم محمد نواز شریف دی صدارت اچ منگل کوں اتھاں تھیا جئیں اچ پنجاب،سندھ،خیبرپختونخواہ اتے بلوچستان دے وزراء اعلیٰ شریک تھیے۔۔سیکرٹری بین الصوبائی رابطہ اجلاس کوں 16دسمبر2016ء کوں سی سی آئی دے گزریل اجلاس اچ کیتے گئے فیصلیاں تے عملدرآمد دی صورتحال بارے ڈسیا۔سی سی آئی کچھی کینال کیس اچ بدعنوانی دے الزامات دی تحقیقات تے غور کریندیں ہوئیں متفقہ فیصلہ کیتا جو کیس ا چ ملوث سارے حکام کوں عبرتناک سزا ڈتی ونجے۔وزیراعظم آکھیا جوگزریل ترقیاتی منصوبے کڈاہیں وی ویلھے تے پورے نی کیتے گئے اتے لاگت اچ ودھارا معمول بنڑدا گئے ۔انہاں ہدایت کیتی جو آندے سارے منصوبے منظور شدہ لاگت اتے مقررہ ویلھے دے اندر شفافیت نال پورے کیتے ونجن۔
