ون بیلٹ ون روڈ منصوبے نال خطے اچ دہشت گردی ،نقل مکانی تے خوراک تے پانڑیں دی گھٹکی جیہوجے خطرے تے قابو پاونڑ اچ مدد مل ویسی ،ون بیلٹ ون روڈ فیملی تے بین الاقوامی برادری کوں اپنڑے اقدامات کوں ہم آہنگ کرنڑاں چاہیدا ہے
بیجنگ ۔15 مئی (اے پی پی) وزیراعظم محمد نواز شریف آکھیا ہے جو ون بیلٹ ون روڈ منصوبے نال خطے اچ دہشت گردی ،نقل مکانی تے خوراک تے پانڑیں دی گھٹکی جیہوجے خطرے تے قابو پاونڑ اچ مدد مل ویسی۔او سنوار کوں اتھاں بیلٹ اینڈ روڈ فورم اچ نیڑے شراکت داری سانگے ہم آہنگی دی پالیسی دے موضوع تے لیڈرز گول میز کانفرنس دے ابتدائی سیشن نال خطاب کریندے پے ہن ۔انہاں آکھیا جو ون بیلٹ ون روڈ فیملی تے بین الاقوامی برادری کوں اپنڑے اقدامات کوں ہم آہنگ کرنڑاں چاہیدا ہے تاں جو تعاون سانگے گنجائش کوں ودھایا ونج سگے ۔وزیراعظم بیلٹ روڈ دے روٹس توں باہر اقوام متحدہ دے نال مذاکرات اتے رابطے دی ضرورت تے زور ڈتا ۔وزیراعظم محمد نواز شریف آکھیا جو پاکستان سماجی تے اقتصادی ترقی تے انسانی خوشحالی سانگے خطے توں اگی تے تعاون تے ہم آہنگ شراکت داریاں دی چنگی حمایت کریندا ہے ۔انہاں آکھیا جو بین الاقوامی سطح تے اداریں دی سطح تے پالیسی ہم آہنگی دی ضرورت تے زور ڈتا تے آکھیا جو بہوں قومی منصوبہ بندی دے ادارے ، اقوام متحدہ، بین الاقوامی کانفرنساں تے علاقائی تنظیماں عالمی معاملات تے منصوبے تے اقدامات کیتے ہن تے ون بیلٹ ون روڈ دی سانجھ نال شراکت داریاں قائم کیتیاں ہن ۔انہاں آکھیا جو بریٹن ووڈز انسٹیٹیوشن تے ایشائی انفراسٹرکچر اینڈ انوسٹمنٹ بینک کوں علوم دے تبادلے ،ڈویلپمنٹ فنانسنگ اتے ملکی سطح تے اساں ہم آہنگی سانگے تعاون کوں مزید مضبوط بنڑاونڑاں چاہیدا ہے
