اسلام آباد ۔ 5 مئی (اے پی پی) وزیراعظم محمد نواز شریف افغان بارڈر پولیس دی فائرنگ دے سنگین واقعے دی ودھ ساری مذمت کیتی ہے جیں اچ پاک افغان سرحد تے مردم شماری ٹیم دی سکیورٹی تے تعینات ایف سی اہلکاراں کوں نشانہ بنڑایا گیا۔ جمعے کوں اپنڑے ہک بیان اچ وزیراعظم محمد نواز شریف واقعے اچ سویلین اتے قانون نافذ کرنڑ آلے اداریں دے اہلکاراں دیاں قیمتی جاناں دے ضیان تے زخمی تھیونڑ تے ودھ سارے ڈکھ تے افسوس دااظہار کیتا ہے ۔انہاں واقعے کوں بہوں افسوسناک قرار ڈیندے ہوئیں آکھیا جو ایں قسم دے واقعات ولا ولا تھیونڑ خطے اچ امن تے استحکام دے حصول دی اساڈی کوششاں دی منافی ہے ۔انہاں اے افغان حکومت دی ذمے واری ہے جو او گالھ کوں یقینی بنڑاوے جو ایں قسم دے مستقل طور تے سدباب تھیوے ۔وزیراعظم متاثرہ ٹبراں نال دلی تعزیت دااظہار کریندے ہوئیں متعلقہ حکام کوں زخمیاں کوں چنگاںسہولتاں ڈیونڑ دی ہدایات ڈتیاں ہن ۔
