اسلام آباد ۔ 3 مئی (اے پی پی) وزیراعظم محمد نواز شریف پاکستان اتے ایران وچال مختلف شعبیاں اچ ڈو پاسہ تعاون کوں ودھاونڑ سانگے ودھدے ہوئے اعلیٰ سطح دے تبادلیاں دے اطمینان کریندیں ہوئیں امید کیتی جو سرمایہ کاری،توانائی اتے مواصلات دے شعبیاں اچ آپسی طور مفید تواون دے ودھارے سانگے اقتصادی رابطیاں کوں ودھیندے رہسوں۔اے گالھ انہاں ایرانی وزیر خارجہ ڈاکٹر جواد ظریف نال گالھ مہاڑ کریندیں ہوئیں آکھی جنہاں ڈو پاسہ تعلقات اتے علاقائی معاملیاں تے گالھ مہاڑ سانگے بدھ کوں اسلام آباد دا دورہ کیتا۔ملاقات وچال خطہ اچ امن تے استحکام دے معاملیاں تے گالھ مہار تھئی۔وزیراعظم محمد نواز شریف ڈو پاسہ تجارت اچ 5ارب ڈالر دا ہدف جلدی حاصل کرنڑ سانگے ڈوہیں پاسوں مربوط کوششاں دی لوڑھ تے زور ڈتا۔
