اسلام آباد ۔ 7 مئی (اے پی پی) وفاقی وزیر برائے امور کشمیر وگلگت بلتستان چوہدری محمد برجیس طاہر آکھے جو وزیراعظم محمد نواز شریف دی قیادت اچ موجودہ دور حکومت اچ تھیونڑآلی ترقی بے مثال رہی ہے اتے پاکستان مجموعی طور تے ہک مضبوط ملک دے طور تے ابھر تے سامنڑیں آیا ہے ، 90ء دی دہائی اچ محمد نواز شریف ملک کوںدفاعی اعتبار نال ناقابل تسخیر بنڑاونڑ دے علاوہ اُوں وژن نال وی سنجانڑ ڈتی جیہڑ جو پاکستان کوں معاشی لحاظ نال ناقابل تسخیر بنڑاونڑ دے عمل اچ وڈا کارآمد ثابت تھیندا پئے ، سارے شعبیاں اچ تھیونڑآلی ترقی دے نہ صرف پاکستان دے لوکیں جڈانجو ساری دنیا معترف تھی گئی ہے اتے پاکستان بارے مثبت خبریں دنیا دے سامنڑیں آندیاں پن ۔ اتوا ر کوں آپنڑیں ہک بیان اچ وفاقی وزیر آکھیا جووزیراعظم محمد نواز شریف سیاسی مخالفین اتے اپوزیشن دی بے جا تنقید اتے سازشاں دے باوجود پاکستان دی سیاست اچ لوکیں دی خدمت دا او اعلیٰ درجہ قائم کرڈتے جیندے اُتے ٹُر تے ہی اگوں تے کئی سیاسی جماعت آپنڑیں سیاسی بقا قائم رکھ سگسی ۔ چوہدری برجیس طاہر آکھیا جو پاکستان دے دشمن وی پاکستان دی بے مثال ترقی کوں ڈیکھے چُکے ہن اتے انہاں کوں معلوم تھی گئے جو جیکر پاکستان پاک چین اقتصادی راہداری دی طرح دے منصوبیاں کوں مکمل کرنڑ اچ کامیاب تھی گیا تاں ایندے خطے اچ چوہدری بنڑنڑ دے خواب تُر ٹ ویسن اتے پاکستان دفاعی اتے معاشی لحاظ نال خطے دا ساریاںتوں مضبوط ملک جانڑیا ویسی ۔
