وزیراعظم محمد نواز شریف دی مسلم لیگ (ن) اقلیتی ونگ سندھ دے صدر شام سندر ایڈوانی نال گالھ مہاڑ

موجودہ جمہوری حکومت تمام کمیونٹی سانگے ہم آہنگ انداز اچ ہکو جہے موقع کوں یقینی بنڑاونڑ سانگے پرعزم ہے
اسلام آباد ۔ 25 مئی (اے پی پی) وزیراعظم محمد نواز شریف آکھیا جو پاکستان مسلم لیگ (ن)دی حکومت اقلیتاں دے حقوق دے تحفظ کوں ہمیشہ ترجیح ڈتی ہے‘ موجودہ جمہوری حکومت ساری کمیونٹی سانگے ہم آہنگ انداز اچ ہکو جہے موقع کوں یقینی بنڑاونڑ سانگے پرعزم ہے ۔ انہاں اے گالھ مسلم لیگ (ن) اقلیتی ونگ سندھ دے صدر شام سندر ایڈوانی نال گالھ مہاڑ کریندے ہوئیں آکھی جنہاں خمیس کوں اتھاں وزیراعظم ہاﺅس اچ انہاںنال ملاقات کیتی ۔ شام سندر ایڈوانی وزیراعظم کوں صوبہ سندھ اچ اقلیتی امور بارے اچ ڈسایا۔ وزیراعظم آکھیا جو اساں ایں امر تے یقین رکھیندوں جو ملک ایں صورت حال اچ خوشحال تھی سگدا ہے اگر ساری کمیونٹی اپنڑی بھر پور صلاحیت دا مظاہرہ کریسی ۔وزیراعظم حقیقی طور تے ہک خوشحال تے ترقی یافتہ پاکستان دی منزل دے حصول دے اجتماعی مقصد دے حوالے نال پاکستان اچ وسنڑ آلیاں ساریاں اقلیتاں دے کردار تے خذمت کوں سراہیا ۔