ریاض ۔ 21 مئی (اے پی پی) وزیراعظم محمد نواز شریف سعودی عرب دے ترائے ڈینھ دے دورے تے اتوارکوں ریاض پج گئے ہن جتھاں او پہلی سہ فریقی امریکہ ، عرب اسلامی کانفرنس اچ شرکت کریسن ۔ ریاض دے شاہ سلمان ایئر بیس آمد تے گورنر ریاض شہزادہ فیصل بن بندر بن عبدالعزیز السعود اتے بئے اعلیٰ سعودی حکام وزیراعظم دا پرتپاک استقبال کیتا۔ریاض اچ پاکستانی سفارتخانے دے اعلیٰ حکام وی ایں موقعے تے موجود ہن ۔ مشیرخارجہ سرتاج عزیز اتے خاتون اول بیگم کلثوم نواز وی وزیراعظم دے نال ہن ۔ وزیراعظم سعودی عرب دے فرمانروا اتے خادم حرمین الشریفین شاہ سلمان بن عبدالعزیز دی دعوت تے سعودی عرب دا دورہ کریندے پن ۔
