وزیراعظم محمد نواز شریف نال آزاد کشمیر دے صدر سردار مسعود خان دی ملاقات

اسلام آباد ۔ 5 مئی (اے پی پی) وزیراعظم محمد نواز شریف نال آزاد کشمیر دے صدر سردار مسعود خان جمعے کوں اتھاں وزیراعظم ہائوس اچ ملاقات کیتی۔ ملاقات اچ آزاد کشمیر بارے امور تے گالھ مہاڑ کیتی گئی ۔ صدر آزاد کشمیر وزیراعظم کوں مقبوضہ کشمیر دے لوکیں دی جائز جدوجہد آزادی دے نصب العین دی حمایت اچ آزاد کشمیر حکومت دی اخلاقی اتے سفارتی کوششاں بارے ڈسایا۔ وزیراعظم آکھیا جو عالمی برادری کوں ہتھوں خالی کشمیری عوام دے خلاف تازہ ترین تے وحشیانہ مظالم دا نوٹس گھنڑاں چاہیدے جو آپنڑیں ناقابل تنسیخ آزادی دے حق کیتے عظیم قربانیاں ڈیندے پے ہن ۔ وزیراعظم آکھیا جو بے گناہ اتے ہتھوں خالی کشمیری عوام دے خلاف غیر انسانی اتے ناقابل بیان مظالم بند تھیونڑیں چاہیدے ہن ۔