ملتان/لیہ۔2 مئی (اے پی پی )ووزیراعظم نوازشریف ‘ دریائے سندھ تے لیہ اتے تونسہ وچال پل دا منڈھ بدھ ڈتے۔لیہ توں تونسہ تئیں بنڑنڑ آلا اے پل700کروڑ دی لاگت نال پورا تھیسی۔پل دی لمبائی1.55کلومیٹر اے اتے اینکوں ڈوہیں پاسوں سڑکاں کوں رلا کراہیں منصوبے دی کل لمبائی24.1کلومیٹر بنڑدی اے۔سڑک اتے پل بنڑنڑ نال لیہ توں تونسہ وچال فاصلہ 50کلومیٹر گھٹ تھی ویسی۔وزیراعظم لیہ، چوک اعظم، فتح پور اتے کروڑ لعل عیسن سانگے سوئی گیس ڈیونڑ دا وی اعلان کیتے۔وزیراعظم چک128توں سمرا نشیب تئیں 50کلومیٹر سڑک بنڑاونڑ دا وی حکم ڈتا۔
