وزیرمملکت برائے اطلاعات مریم اورنگزیب دی سی پی این ای دے نومنتخب صدر ضیاء شاہد، سیکرٹری اعجازالحق اتے بئے عہدیداراں کوں مبارکبار

اسلام آباد ۔ 18 مئی (اے پی پی) وزیرمملکت برائے اطلاعات ‘نشریات و قومی ورثہ مریم اورنگزیب سی پی این ای دے نومنتخب صدر ضیاء شاہد، سیکرٹری اعجازالحق اتے بئے عہدیداراں کوں مبارکبار ڈتی اے۔آپنڑے تہنیتی سنھیے اچ انہاں آکھیا جو اجوکی جمہوری حکومت آزادی اظہار رائے دے بنیادی اتے آئینی حق تے کامل یقین رکھیندی اے،اہل صحافت دا جمہوریت دے استحکام اتے جمہوری قدراں دے ودھارے اچ نشابر کردار اے۔انہاں آکھیا جو حکومت میڈیا دی صنعت دے ودھارے سانگے ہرممکن تعاون اتے سہولتاں ڈیندی رہسی۔انہاں امید کیتی جو نویں چنڑیے گئے ارکان ملک اچ جمہوریت دی مضبوطی اتے اعلیٰ صحافتی اقداردے ودھارے سانگے کردار نبھیندے رہسین۔