بیجنگ ۔ 12 مئی (اے پی پی) وزیر اعظم محمد نواز شریف ” ون بیلٹ، ون روڈ” فورم اچ شرکت سانگے جمعے کوں اتھاں پج گئے ، انہاں کوں ایں دورے دی دعوت چینی صدر ژی جن پنگ ڈتی ہے ۔ بیجنگ انٹرنیشنل ایئرپورٹ اُتے وائس چیئرمین بیجنگ میونسپل چینی عوامی سیاسی مشاورتی کانفرنس لی شی چیانگ اتے پاکستان اچ چین دے سفیر سن وائی د ونگ اتے اعلیٰ حکام وزیر اعظم اتے بیگم کلثوم نواز دا پرتپاک خیرمقدم کیتا۔ پاکستان دے سفیر مسعود خالد وی ایںموقعے تے موجود ہن ۔ سٹیٹک گارڈز دے ہک دستے وزیراعظم کوں سلامی ڈتی ۔ روائتی لباس پاتے دو بالیں وزیراعظم اتے انہاں دی اہلیہ کوں گلدستے پیش کیتے ۔ وزیر اعظم دے نال وفداچ وزیر اعلیٰ پنجاب شہباز شریف ، وزیر اعلیٰ سندھ مراد علی شاہ، وزیر اعلیٰ خیبرپختونخوا پرویز خٹک اتے وزیر اعلیٰ بلوچستان ثناء اللہ زہری سمیت بئے اعلیٰ حکام شامل ہن ۔ ایں توں علاوہ وفد اچ وزیر خزانہ اسحاق ڈار ، منصوبہ بندی و ترقی دے وفاقی وزیر احسن اقبال ، وزیر تجارت انجینئر خرم دستگیر خان، وزیر ریلوے خواجہ سعد رفیق ، انفارمیشن ٹیکنالوجی دی وزیر مملکت انوشہ رحمٰن، امور خارجہ بارے وزیر اعظم دے مشیر سرتاج عزیز وی شامل ہن ۔ آپنڑیں دورے دے دوران وزیر اعظم محمد نواز شریف 14اتے 15مئی کوں بیجنگ اچ چین دی حکومت ولوں عالمی تعاون کیتے ون بیلٹ ون روڈ فورم اچ شرکت کریسن ، جیندے اچ 27 مختلف ملکاں دے سربراہِ مملکت اتے اعلیٰ حکام شریک تھیسن ۔ بیلٹ اینڈ روڈ ( بی آر ایف )فورم 2013 ء چینی صدر ولوں سلک روڈ اقتصادی پٹی اتے 21ویں صدی میری ٹائم سلک روڈ اقدام دا حصہ ہے۔ فورم دے انعقاد دا مقصد آپسی تعاون دے ذریعے ترقی دے مشترکہ اہداف دا حصول ہے۔ بی آر ایف دے دوران وزیراعظم اعلیٰ سطح مذاکرات دی نشست نال خطاب کریسن ، او آپسی ترقی کیتے قریبی سانجھے داری اتے مواصلاتی تعاون کیتے پالیسی ہم آہنگی بارے گول میز اجلاس نال وی خطاب کریسن ۔ آپنڑیں دورے دے دوران وزیر اعظم محمد نواز شریف چین دے صدر شی جن پنگ اتے وزیر اعظم لی کی چیانگ نال آپسی دلچسپی دے امور اتے ڈو طرفہ گانڈھے کوں بیا ودھاونڑ بارے وی ملاقاتاں کریسن ۔ ایں موقعے تے چین پاکستان اقتصادی راہداری (سی پیک) بارے بہوں سارے معاہدیاں اتے مفاہمت دیاں یادداشتاں اُتے دستخط دی وی توقع ہے ۔
