اسلام آباد ۔ 24 مئی (اے پی پی) وزیر خزانہ سینیٹر محمد اسحاق ڈار اجوکے مالی سال 2016-17ءدی اقتصادی جائزہ رپورٹ (اج) خمیس کوں جاری کریسن ۔ جاری مالی سال دے حوالے نال اقتصادی جائزہ رپورٹ اچ قومی معیشت دی مجموعی کارکردگی دے جائزے دے نال مستقبل دے حوالے نال کیتی ونجنڑ آلی معاشی منصوبہ بندیاں تے روشنی پاتی ویسی ۔ اقتصادی سروے اچ معیشت دے سارے وڈے اہم شعبیں اچ کیتی ونجنڑ آلی مقامی تے غیر ملکی سرمایہ کاری تے شرح ترقی دے ھوالے نال اعداد شمار پیش کیتے ویسن ۔قومی معیشت دے اہم شعبیں اچ زراعت، مینوفیکچرنگ، کان کنی، مالیات، سرمائے دی مارکیٹ، افراط زر اتے اندرلی تے باہرلی قرضیں دی ادائیگی تے انہاں شعبیں دی منصوبہ بندی دا تفصیلی جائزہ پیش کیتا ویسی۔اقتصادی جائزہ رپورٹ مالی سال2016-17اچ ملک دی مجموعی آبادی ، افرادی قوت، روزگار دی فراہمی ، غربت دی شرح اچ گھٹکی ، ٹرانسپورٹ اتے مواصلات وغیرہ دے شعبے دی کاکردگی دا وی جائزہ گھدی ویسی ۔
