وزیر خزانہ اسحاق ڈار دی صدارت اچ آندے مالی سال 2017-18ء دے بجٹ دیاں تیاریاںدا جائزہ اجلاس

اسلام آباد ۔ 21 مئی (اے پی پی) وزیر خزانہ سینیٹر محمد اسحاق ڈار اتوار کوں وزارت خزانہ اچ آندے مالی سال 2017-18ء دے بجٹ دیاں تیاریاں دے جائزہ اجلاس دی صدارت کیتی ہے۔ سیکرٹری تجارت بجٹ دے خدوخال اُتے روشنی پاتی اتے وزیر خزانہ کو ںمختلف بجٹ تجویزاں بارے ڈسایا۔ انہاں ڈسایاجو بجٹ تجویز اں بارے سارے سانجھے داراں نال تفصیلی ملاقاتاں کیتن۔ ایں موقعے تے وزیر خزانہ آکھیا جو تجویزاں کوں سامنڑیں رکھ تے بجٹ تیار کیتا ونجے ۔ انہاںآکھیا جو حکومت ملکی برآمدات اچ اضافے اُتے خصوصی توجہ ڈیندی پئی ہے تانجو ڈی پی اچ پائیدار اتے ودھ توں ودھ ودھارا کیتا ونج سگے ۔ انہاں ہک سال پہلے برآمدات اچ اضافے سانگے 180ارب روپے دے پیکج اُتے روشنی پاتی اتے آکھیا جو ایندے نال اجوکے مہیناں دے دوران برآمدات اچ ودھ سارا ودھارا تھئے ۔ وزیر خزانہ دا بیا آکھنڑ ہئی جو جاری مالی سال دے دوران جی ڈی پی دی شرح نمو 5.28فیصد تئیں ودھی ہے جیہڑی جو گزریل ڈھا سال اچ ساریاں توں ودھ ہے ، جڈانجو آندے مالی سال کیتے ایندا ہدف 6فیصد مقرر کیتاگئے ۔ وزیر خزانہ آندے بجٹ بارے ٹیکس تجویز اں دا وی جائزہ گھدا۔ انہاں آکھیا جو حکومت بجٹ دیاں تیاریاں اچ عام آدمی دی ترقی اتے فلاح و بہبود اُتے خصوصی توجہ ڈتی ہے ۔ انہاں متعلقہ وزارتاں، ڈویژناں کوں ہدایت کیتی جو بجٹ تیاری دا کم تکھے توں تکھے پورا کیتا ونجے ۔ اجلاس اچ سیکرٹری خزانہ، اقتصادی اتے ڈویژن، تجارت، چیئرمین ایف بی آر اتے وزارت خزانہ، ایف بی آر اتے اسٹیٹ بینک دے بئے اعلیٰ حکام وی شرکت کیتی ہے۔