وزیر خزانہ سینٹر اسحاق ڈار دی مالدیپ دے وزیر خزانہ احمد منور نال ملاقات

یوکوہاما ۔ 04 مئی (اے پی پی) وفاقی وزیر خزانہ سینٹر اسحاق ڈار تے مالدیپ دے وزیر خزانہ احمد منوروچال جاپان دے شہر یوکوہاما اچ ایشیائی ترقیاتی بینک دے بورڈ آف گورنرز دے 50ویں سالانہ اجلاس دے موقع تے ملاقات تھی۔ ڈوہیں رہنماواں اقتصادی ترقی اتے سانجھے تعاون کوں ودھاونڑ سمیت مختلف امور تے گالھ مہاڑ کیتی ۔ وفاقی وزیر خزانہ اسحاق ڈار پاکستان ولوں مالدیپ کوں اقتصادی ترقی دے سلسلے اچ تعاون فراہم کرنڑ دی یقین دہانی کروائی۔ ایں موقع تے مالدیپ دے وزیر خزانہ احمد منور سینیٹر اسحاق ڈار کوں دورہ مالدیپ دی وی دعوت ڈتی