اسلام آباد۔ 3 مئی (اے پی پی) وزیر داخلہ چوہدری نثار علی خان اتے ایرانی وزیر خارجہ محمد جواد ظریف پاک ایران ڈوپاسے تعلقات کوں مزید مستحکم بنڑاونڑ تے بہتر کوآرڈینیشن، انٹیلی جنس شیئرنگ اچ ودھارے تے سیاسی ، عسکری اتے سیکورٹی اتے مختلف وزارتاں دی سطح تے مسلسل رابطے دے ذریعے چنگے سرحدی انتظام، منشیات دی سمگلنگ روکنڑ ، سرحد پار غیر قانونی آمد و رفت دی روک تھام سمیت باہمی دلچسپی دے سارے شعبے اچ سانجھے تعاون کوں ودھارا ڈیونڑ تے رل تے کم کرنڑ دے عزم دا اظہار کیتا ۔ بدھ کوں وزیر داخلہ چوہدری نثار علی خان نال ایرانی وزیر خارجہ محمد جواد ظریف دی سربراہی اچ ایران دے 12 رکنی اعلیٰ سطح دے وفد دی ملاقات دے دوران ڈوہیں رہنماواں ایں عزم دا اعادہ کیتا ۔وزارت داخلہ ولوں جاری بیان دے مطابق ملاقات اچ ڈوہیں رہنماواں ملک دے عوام ہک ڈوجھے سانگے گرم جوشی دے جذبے دا اعادہ کریندے ہوئیں آکھیا ہے جو پاکستان تے ایران ڈے ہک ڈوجھے دا ہمسایہ تھیونڑ تے مضبوط ثقافتی ،مذہبی تے تاریخی رشتے اچ استوار تھیونڑ دے ناطے ایندے سوا کوئی چارہ کائنی او اپنڑے انفرادی ،علاقائی تے بین الاقوامی سطح تے موجود چیلنج تے قابو پاونڑ تے مسلم امہ کوں درپیش معاملات تے رل تے کم کرن ۔
