یوکوہاما ۔ 05 مئی (اے پی پی) وفاقی وزیر خزانہ سینیٹر اسحاق ڈارآکھے جو جرمنی یورپی یونین اچ پاکستان دا ساریاں توں وڈا بڑا تجارتی سانجھے دار ہے ۔ جرمنی کوں پاکستان اچ سرمایہ کاری دے موجود موقعاں توں فیدہ چاونڑ اں چاہیدے ۔ ا و جاپان دے شہر یوکوہاما اچ ہک جرمن وفد نال ملاقات اچ گالھ مہاڑ کریندے پئے ہن ۔ جرمن وفد دی قیادت پارلیمانی سٹیٹ سیکرٹری ہانس جوہن فیوچٹل کریندے پئے ہن ۔ ایں موقعے تے انہاں جرمنی ولوں پاکستان دے نال مختلف شعبیاں خاص طور تے توانائی ، صحت ، تعلیم ، گورننس ، پائیدار ترقی اتے مائیکروفنانس اچ مسلسل تعاون دی تعریف کیتی ۔ وفاقی وزیر آکھیا جو ڈوہائیں ملکاں وچال حال ہی اچ اسلام آباد اچ تھیونڑآلے مذاکرات دے دوران تعاون دے نویں رستے گول گھدے گئے ہن ۔ جرمنی پاکستان اچ بئی سرمایہ کاری دے موقعے چاہندے ۔
