اسلام آباد ۔ 10 مئی (اے پی پی) وفاقی وزیر خزانہ سینیٹر محمد اسحاق ڈار نال آئی ایف سی دی وائس پریذیڈنٹ برائے پورٹ فولیو مینجمنٹ سارن کیبٹ کولی بیلی ملاقات کیتی۔ ورلڈ بینک دے کنٹری ڈائریکٹر پچا متھو ایلان گوان اتے آئی ایف سی دے ریجنل ڈائریکٹر برائے مشرق وسطیٰ و شمالی افریقہ موعید مخلوف وی انہاں دے نال ہن ۔ وزیر خزانہ وفد دا خیرمقدم کریندے ہوئیں آکھیا جو اجوکے سالیں اچ آئی ایف سی نال پاکستان دی سانجھے داری مستحکم تھئی ہے ۔ایں موقعے تے انہاں آئی ایف سی دے چیف ایگزیکٹو آفیسر نال آپنڑیں اجوکی ملاقات اچ جنہاں امور تے گالھ مہاڑ تھئی بارے ڈسایا۔ انہاں آکھیا جو حکومت پاکستان اتے آئی ایف سی وچال مجوزہ پاکستان انفراسٹرکچر بینک دے قیام اُتے اصولی اتفاق تھی گئے ۔ اے بینک ملک اچ انفراسٹرکچر منصوبیاں کیتے نجی فنانسنگ تے سرمایہ کاری کوں ودھاونڑ دیاں حکومتی کوششاں اچ مددڈیسی ۔ سارن کیبٹ کولی بیلی آئی ایف سی اتے پاکستان وچال سانجھے داری کوں مضبوط بنڑاونڑ اچ کردار ادا کرنڑاُتے وزیر خزانہ اسحاق ڈار دا شکریہ ادا کیتا۔ انہاں ڈسایا جو آئی ایف سی مختلف عالمی سرمایہ کاراں اتے کثیر الجہتی ترقیاتی سانجھے داراں نال رل تے کم کریند اپئے ۔ انہاںآکھیا جو پاکستان انوسٹمنٹ بینک بارے سرمایہ کاراں دا ردعمل بہوں حوصلہ مندے ریہے ۔ انہاں پاکستان دے اقتصادی جائزہ اتے اتھاں کاروباری ماحول کوں حوصلہ افزاء قرارڈتے ۔ انہاں آئی ایف سی ولوں پاکستان اچ آپنڑیں موجودگی اتے سرمایہ کاری کوں بیا ودھاونڑ دے عزم دا اظہار کیتے ۔ ایں موقعے تے سیکریٹری خزانہ، سیکریٹری اقتصادی امور ڈویژن اتے بئے متعلقہ حکام وی موجود ہن ۔
