وفاقی وزیر خزانہ سینیٹر محمد اسحاق ڈار ’ اقتصادی سروے برائے مالی سال 2016-17ءپیش کر ڈتا

اسلام آباد۔ 25 مئی (اے پی پی) گزشتہ 10 سال وچال مقابلہ اچ ایں مالی سال اچ مجموعی قومی پیداوار (جی ڈی پی) دی شرح نمو اچ 5 فیصدتوں ودھ ودھارا تھےے ۔خمیس کوں اتھاں اقتصادی سروے برائے مالی سال 2016-17ءپیش کریندیں ہوئیں وفاقی وزیر خزانہ سینیٹر محمد اسحاق ڈارآکھیا جو مالی سال 2013-14ءاچ جی ڈی پی دی شرح نمو3فیصد ہئی جیڑھی جو گزریل ترائے سالیں وچال4فیصد دے نیڑے رہی۔گزریل مالی سال اچ جی ڈی پی اچ4.51دی شرح نال ترقی ریکارڈ کیتی گئی اے جڈانجو ایں مالی سال اچ جی ڈی پی دی شرح ترقی 5.3فیصد ریکارڈ کیتی گئی اے۔انہاں آکھیا جو ملک دی جی ڈی پی اچ ودھارا درست اعدادوشمار بنڑاونڑ اچ 2وڈی مشکلاں ہن ۔پاکستان اچ معیشت دے اعدادوشمار مرتب کرنڑ دا طریقہ کار 20سال پرانڑاں اے جئیں کوں اپ ڈیٹ کرنڑ دی لوڑھ اے۔انہاں آکھیا جو گزریل 10سالیں وچال چھوٹے اتے درمیانے درجے دے کاروباری اداریاں اتے قومی معیشت اچ ودھارا تھےے جیڑھا جو ایں وچ شامل کائنی۔انہاں آکھیا جو عالمی بینک کوں ایں بارے سٹڈی دا آکھیا گئے جئیں اچ 8توں 12مہینے لگسن۔وزیرخزانہ امریکہ اچ عالمی بینک دے حکام نال ملاقات دا حوالہ ڈیندیں ہوئیں آکھیا جو عالمی بینک کوں آکھیا گئے جو او پاکستان دی معیشت دے درست اعدادوشمار بنڑاونڑ اچ تعاون کرے۔انہاں آکھیا جو پاکستان دی جی ڈی پی 20فیصد توں گھٹ رہی ۔ایجھا کیس چین اچ وی ہا جئیں ویلھے اتھاں سڈی کراوئی گئی تاں چین دی معیشت اچ2فیصد ودھارا ریکارڈ کیتا گئیا۔