گزریل دور حکومت اچ اساڈی چیخ دے باوجود قائد حزب اختلاف دی تقریر کڈاہیں براہ راست کائنی ڈکھائی گی‘ جیرھے لوک 2014ءاچ جمہوریت دی بساط کوں لپیٹنز چاہندے ہن ،خورشید شاہ اج انہاں دے پچھوں چلسن تاں اے زیادتی ہوسی ،رانا تنویر حسین
اسلام آباد ۔ 30 مئی (اے پی پی) وفاقی وزیر سائنس تے ٹیکنالوجی رانا تنویر حسین آکھیا ہے جو گزشتہ دور حکومت اچ اساڈی چیخ و پکار دے باوجود قائد حزب اختلاف دی تقریر کڈاہیں وی براہ راست کائنی ڈکھائی گی ‘ جیرھے لوک 2014ءاچ جمہوریت دی بساط لپیٹنڑ چاہندے ہن تے سسٹم کوں ریل کرنڑ چاہندے ہن ‘ اگر ایں ویلھے انہاں دے خلاف جدو جہد کرنڑ آلے خورشید شاہ اج انہاں دے پچھوں چلسن تاں اے زیادتی ہوسی ایں جماعت دا لیڈر ایں ایوان اچ آونڑ گوارا نی کریندا تے نہ ہی پارلیمنٹ کوں اہمیت ڈیندا ہے ،‘ خورشید شاہ ایں آمرانہ اتے شرپسند ذہنیت دے پچھوں ونجنڑ توں گریز رکن ۔ منگل کو ںقومی اسمبلی دے اجلاس اچ وفاقی وزیر برائے سائنس اینڈ ٹیکنالوجی رانا تنویر حسین آکھیا جو سید خورشید احمد شاہ ہمیشہ جمہوری روایات دی گالھ کیتی ہے اساں انہاں دا احترام کریندوں ۔
