وفاقی وزیر مذہبی امور سردار محمد یوسف دی جنوبی ایشیاءموسسہ دے چیئرمین ڈاکٹر رافیعت نال ملاقات، حج انتظامات دے حوالے نال امور تے گالھ مہاڑ

مکہ مکرمہ ۔ 11 مئی (اے پی پی) وفاقی وزیر مذہبی امور سردار محمد یوسف خمیس کوں جنوبی ایشیاءموسسہ دے چیئرمین ڈاکٹر رافیعت نال ملاقات کیتی جیں اچ حج انتظامات دے حوالے نال گالھ مہاڑ کیتی گی ۔وفاقی وزیر امور تے چیئر مین موسسہ کوں حج سانگے چنگے اقدامات دی ہدایت کیتی تے انہاں توں گزریل حج دے موقع تے کولنگ دا نظام چنگاں نہ تھیونڑ دی وی شکایت کیتی ۔انہاں آکھیا جو پاکستان دے سارے حاجی کوں ٹرین دی فراہمی ویلھے نال ڈتی ونجے ۔سارے پاکستانیاں کوں انہاں دے مکتب دے نیڑے جاہ ڈتی ونجے تے پاکستان دے سارے مکاتب کوں جمرات دے نیڑے خیمے ڈتے ونجن ،۔انہاں آکھیا جو سعودی حکومت حاجیاں سانگے سارے ممکن اقدامات کریسی