اسلام آباد ۔ 19 مئی(اے پی پی) وفاقی وزیر منصوبہ بندی، ترقی و اصلاحات احسن اقبال آکھیا جو تریخ اچ پہلی واری سرکاری شعبہ دے ترقیاتی پروگرام پی ایس ڈی پی دا حجم 1001ارب روپے رکھیا گئے جڈانجو صوبیاں سانگے 1112ارب روپے رکھیے گئے ،ایں سال دی ترقی دی شرح 5.3فیصد رہی،آندے مالی سال اچ 8ہزار توں 10ہزار میگاواٹ بجلی دے ودھارے دا امکان اے۔ایں سال ریونیو نشابر ودھارا 3.146ٹریلین رہیا جڈانجو گزریل سال 2.9ٹریلین ہن ۔پی ایس ڈی پی اچ انفراسٹرکچر سانگے 411ارب رکھیے گئن ۔صاف پانڑی دی فراہمی کوں یقینی بنڑاونڑ سانگے ساڈھے 12ارب روپے دی لاگے نال منصوبہ شروع کیتا ویندا پئے ۔آندے بجٹ اچ ساڈھے 12ارب روپے دی لاگت نال پورے ملک اچ انرجی فار آل دا منصوبہ شروع کیتا ویندا پئے ۔سی پیک دے منصوبیاں سانگے 180ارب روپے مختص کیتے گئن ،ریلیوز سانگے43ارب روپے اتے ر نیشنل ہائی ویز اتھارٹی سانگے 320 ارب روپے رکھیے گئن ۔اے گالھیاں انہاں قومی اقتصادی کونسل اجلاس دے بعد پریس بریفنگ اچ آکھی۔
