اقتصادی راہداری دی ویلھے نال تکملی پاکستان دے عوام دی کامیابی ہوسی،سارے اسٹیک ہولڈرز رل تے کم کرن ،وفاقی ادارے متعلقہ صوبائی حکومتاں دے نال تعاون کوں یقینی بنڑاون
اسلام آباد ۔ 04 مئی (اے پی پی) وفاقی وزیر منصوبہ بندی، ترقی تے اصلاحات احسن اقبال آکھیا ہے جو اقتصادی راہداری دی ویلھے نال تکمیل پاکستان دے عوام دی کامیابی ہوسی، سارے اسٹیک ہولڈرز رل تے کم کرن،وفاقی ادارے متعلقہ صوبائی حکومتاں دے نال تعاون کو ںیقینی بنڑاون ۔ خمیس کوں وفاقی وزارت منصوبہ بندی اچ سی پیک منصوبیں دا جائزہ اجلاس منعقد تھیا ۔ اجلاس اچ وفاقی سیکرٹری منصوبہ بندی، چینی سفارتخانہ، متعلقہ وفاقی تے صوبائی وزارتاں تے اداریں دے اعلیٰ عہدیداراںشرکت کیتی ۔ اجلاس اچ مواصلات، ریلوے، توانائی، گوادر اتے خصوصی اقتصادی تے صنعتی زونز منصوبیں تے کم دی رفتار دا جائزہ گھدا گیا ۔ ایں موقع تے وفاقی وزیر آکھیا جو وفاقی حکومت صوبائی حکومتاں دی مشکلات پرے کرنڑ سانگے ہمیشہ تیار ہے ۔
