وفاقی وزیر موسمیاتی تبدیلی زاہد حامد دی پاکستان اچ عالمی ادارے دی نمائندہ انجیلا کیار دے نال ملاقات

پانڑیں ،صفائی تے حفظان صحت دی صورت حال سانگے یو نی سیف دے نال تعاون جاری رکھیسوں
اسلام آباد ۔ 29 مئی (اے پی پی) وفاقی وزیر موسمیاتی تبدیلی زاہد حامد آکھیا ہے جو وزارت موسمیاتی تبدیلی پاکستان اچ پانڑیں، صفائی ستھرائی اتے حفظان صحت دی صورتحال کوں چنگاں بنڑاونڑ سانگے یونیسیف دے نال معاونت جاری رکھیسی۔ اے گالھ انہاں پاکستان اچ یونیسیف دی نمائندہ انجیلا کیاردے نال ملاقات اچ گالھ مہاڑ کریندے ہوئیں کیتی۔ انہاں آکھیا جو واش ہک صوبائی معاملہ ہے، ایں سانگے صوبیں کوں بجٹ اچ ایں شعبے سانگے ودھ ساری رقم مختص کرنڑیں چاہیدی ہے ،یونی سیف دی کنٹر ی نمائندہ انجیلا کیارنے وازرت موسمیاتی تبدیلی اچ واٹر ، سینیٹیشن اینڈ ہائی جین سیل دے قیام کوں چنگاں اکھیندے ہوئیں یونیسیف ولوں جنوبی ایشیائی کانفرنس سینیٹیشن (ایس اے سی او ایس اے این۔7) دے انعقاد اچ معاونت فراہم کرنڑ دی پیشکش کیتی ہے جیرھا جو 2018دے شروع اچ پاکستان اچ تھیسی۔ ایں موقع تے وزارت موسمیاتی تبدیلی اچ واش سیل دی نمائندہ ڈاکٹر صائمہ یونیسیف اتے وزارت موسمیاتی تبدیلی دی سانجھ نال قائم کیتے گے ورکنگ گروپ دے کم بارے اچ بریفنگ ڈتی تے ڈسایا جو وزارت صحت دی معاونت حاصل کرنڑ سانگے رابطہ کیتا گیا جڈاں جو وزارت تعلیم پہلے ہی ایں حوالے نال فعال ہے۔ ایں موقع تے وزارت موسمیاتی تبدیلی دے حکام وی موجود ہن۔