اسلام آباد ۔ 25 مئی (اے پی پی) وفاقی وزیر پارلیمانی امور شیخ آفتاب احمد آکھیا ہے جو زراعت توں معاشی ترقی دے نال نال طرز زندگی کوں بہتر بنڑاونڑ اچ مدد ملدی ہے اساں جدید ٹیکنالوجی دے دور اچ رہندے پیوں ،بارانی یونیورسٹی دی زراعت دے شعبے اچ خذمات قابل ذکر ہن ۔یونیورسٹی دے سالڈ ویسٹ طریقے نال ملک اچ انرجی بحران دے خاتمے اچ مدد مل ویسی ۔انہاں خیالاں دا اظہار وفاقی وزیر خمیس کوں پیر مہر علی شاہ بارانی زرعی یونیورسٹی راولپنڈی دے 18 ویں کانووکیشن توں بحیثیت مہمان خصوصی خطاب کریندے ہوئیں کیتا ۔ وفاقی وزیر شیخ آفتاب احمد آکھیا جو اساں جدید ٹیکنالوجی دے دور توں گزردے پیوں، زراعت دی مدد نال معاشی ترقی دے نال نال طرز زندگی کوں چنگاں بنڑاونڑ اچ مدد مل ویندی ہے ۔ انہاں آکھیا جو بارانی یونیورسٹی وائس چانسلر رائے نیاز احمد دی قیادت اچ زرعی ترقی سانگے فعال کردار ادا کر یندی پئی ہے ۔ انہاں آکھیا جو حکومت زراعت دی ترقی تے بہتری سانگے پورا تعاون جاری رکھیسی ۔
