اسلام آباد ۔12 مئی(اے پی پی) وفاقی وزیر پارلیمانی امور شیخ آفتاب احمد آکھیا جو ڈان لیکس دا معاملہ خوش اسلوبی نال حل تھی گیا ہے ‘ اے کہیں دی جت یا ہار کائنی ‘ بعض اندرلے تے باہرلیاں طاقتاں نظام کوں عدم استحکام نال ڈو چار کرنڑ چاہندی ہے ‘ پارلیمنٹ ہی سپریم ادارہ ہے‘ قانون اتے آئین دی بالادستی اتے جمہوریت دے استحکام سانگے ایں بحث کوں ختم تھیونڑاں چاہیدا ہے ۔انہاں خیالاں دا اظہار انہاں سینیٹر اعتزاز احسن تے بئے ارکان دی ڈان لیکس دے حوالے نال تحریک تے بحث سنبھدیں ہوئیں کیتا ۔انہاں آکھیا جو ڈان لیکس ہک سنجیدہ مسئلہ ہئی ۔اتنے اعلیٰ سطح تے اجلاس دی خبر لیک تھیونڑ سیکورٹی لحاظ نال وی تشویش دا معاملہ ہئی لیکن ہنڑ ایں معاملے کوں فوج تے حکومت وچال محاذ آرائی دے طور تے پیش کیتا ویندا رہیا ۔انہاں آکھیا جو ملک اچ جمہوریت دی بحالی سانگے بہوں قربانیاں ڈتیاں گیاں ۔بے نظیر بھٹو تے نوازشریف کوں جلا وطن وی ہوونڑاں پیا ولا انہاں لندن اچ بہہ تے معاہدہ کیتا ۔ایں معاہدے دے نتیجے اچ ہی سابق حکومت وی اپنڑی مدت پوری کیتی تے موجودہ حکومت وی اپنڑی مدت پوری کرنڑ ویندی پئی ہے
