پاکستان اتے ایران وچال گوہڑے مذہبی، تہذیبی، ثقافتی اتے تریخی تعلقات قائم ہن ، تعاون دیاں نویاں راہواں گولیاں ونجن ، عرفان صدیقی

اسلام آباد ۔ 10 مئی (اے پی پی) قومی تریخ تے ادبی ورثہ بارے وزیراعظم دے مشیر عرفان صدیقی آکھے جو پاکستان اتے ایران وچال گوہڑے مذہبی، تہذیبی، ثقافتی اتے تریخی تعلقات قائم ہن ۔ انہاں تعلقات دا تقاضا ہے جو مختلف شعبیاں اچ تعاون دیاں نویاں راہواں گولیاں ونجن ۔ او پاکستان اچ ایرانی کلچرل قونصلر شہاب الدین درائی نال گالھ مہاڑ کریندے پئے ہن جنہاں بدھ کوں قومی تریخ تے ادبی ورثہ ڈویژن اچ مشیر وزیراعظم نال ملاقات کیتی اتے ڈو طرفہ دلچسپی دے امور اُتے گالھ مہاڑ کیتی ۔ عرفان صدیقی آکھیا جو پاکستان اتے ایران وچال بہوں ساریاں سانجھیاں اقدار ہن ، ڈوہائیں ہمسائے اتے اسلامی بھئی چارے دے رشتیاںاچ جڑیئے ہن ۔ سعدی شیرازی اتے علامہ اقبال دی طرح دیاں شخصیات اتے انہاں دے افکار دی صورت اچ اساڈے کولوں ہک وڈا سانجھا ورثہ موجود ہے۔ڈوہائیں ملکاں دے لوکیں وچال علمی تے ادبی رشتیاں کوں کوں بیا ودھاونڑ کیتے مختلف پروگرام شروع کرنڑ دی لوڑ ہے ۔ انہاں خطاطی، اردو اتے فارسی کتاباں دے ڈوہائیں زباناں اچ تراجم اتے اہل علم وادب دے تبادلیاں بارے سرگرمیاں اچ ودھارے دی لوڑ تے زور ڈتا اتے آکھیا جو ثقافتی تعلقات اچ فروغ کیتے مختلف تجویزاںد ا تبادلہ کیتا ونج سگے ۔ شہاب الدین درائی مشیر وزیراعظم ولوں خیرسگالی دے جذبات اُتے شکریہ ادا کریندے ہوئیں آکھیا جو پاکستان اتے ایران بھرا ہن اتے ڈوہائیں وچال تعلقات دی بہتری اتے قربت چاہندے ہئیں ۔