بیجنگ۔ 13 مئی (اے پی پی) پاکستان اتے چین چھنڑ چھنڑ کوں مین لائن ون ریل ٹریک اتے حویلیاں اچ ڈرائی پورٹ دے قیام سمیت مختلف شعبیاں اچ آپسی تعاون بارے 6 مختلف معاہدیاں اُتے دستخط کیتے ہن ۔ وزیراعظم محمد نوازشریف اتے چین دے وزیراعظم لی کیان بیجنگ دے عظیم عوامی ہال اچ معاہدیاں اُتے دستخط دی تقریب اچ شرکت کیتی۔ ایںموقعے تے سلک روڈ اکنامک بیلٹ اتے 21 ویں صدی دے میری ٹائم سلک روڈ دے اقدام دا فریم ورک ‘ گوادر ایئر پورٹ وغیرہ کیتے 1.5ارب آر ایم بی دی لاگت دا اقتصادی اتے تکنیکی تعاون ‘ایم ایل ون اپ گریڈیشن اتے پاکستان دے شہر حویلیاں اچ ڈرائی پورٹ دے قیام اُتے عملدرآمد دا فریم ورک معاہدہ ‘ حویلیاں اچ ڈرائی پورٹ دے قیام اتے ایم ایل ون دی اپ گریڈیشن اُتے عملدرآمد بارے مفاہمت دی یادداشت ‘ گوادر ایئر پورٹ کیتے 0.8ارب آر ایم بی دی مالیت دا اقتصادی اتے تکنیکی تعاون دا معاہدہ اتے مشرقی شاہراہ دی تعمیر کیتے 1.1 ارب آر ایم بی دے اقتصادی اتے تکنیکی تعاون دے معاہدے اُتے دستخط تھئے ۔
