بیجنگ ۔ 14 مئی (اے پی پی) پاکستان اچ چین دے سفیر سن وی ڈونگ آکھے جوڈوہائیں ملکاں اتے بئے خطے دے لوکیں دے فیدے کیتے چین پاکستان نال مجموعی تعاون کوں بیا ودھاونڑ کیتے تیار ہے ۔ چین پاکستان اقتصادی راہداری منصوبہ بیلٹ اینڈ روڈ اقدام دے تحت کلیدی کردار دا حامل منصوبہ ہے ۔اے پی پی نال گالھ مہاڑ کریندے ہوئیں انہاں آکھیا جو چین اتے پاکستان ہر موسم اچ آزمودہ سانجھے دارہن اتے سی پیک دیاں کامیابیاں کیتے رل تے کم کریندے پئے ہن۔ انہاں آکھیا جو ون بیلٹ ون روڈ فورم سارے ملکاں کوں اے موقعہ ڈتے جو او رل بیھ تے آپسی فیدے اچ تعاون اتے ترقی کوں ہک ڈوجھے نال شریک تھی سگن ۔ انہاں آکھیا جو اساکوں خوشی ہے جو وڈی تعداد اچ ملک ، عالمی تنظیماں اتے سربراہان مملکت ایں فورم اچ شرکت کیتی ہے ۔ اساں فورم اچ آونڑآلے سارے ملک دا خیر مقدم کریندے ہئیں ۔ انہاں آکھیا جوچینی صدر فورم دے شروع اچ کلیدی خطاب کریندے ہوئیں بیلٹ اینڈ روڈ اقدام اُتے روشنی پاتی ۔ انہاں آکھیا جو اے منصوبہ نہ صرف چین جڈانجو سارے خطے اتے دنیا کیتے امیت رکھیندا ہوسی ۔
