اسلام آباد ۔ 24 مئی (اے پی پی) وزیراعظم محمد نواز شریف آکھیا ہے جو پاکستان مسلسل اقتصادی ترقی دی بدولت غیر ملکی سرمایہ کاری سانگے شاندار موقع پیش کر یندا پیا ہے ۔ ملک دا ریگولیٹری اتے سپروائزری فریم ورک بہوں ترقی پسند ہے تے بین الاقوامی سرمایہ کاراں کوں معاون فضافراہم کریند ا ہے۔ انہاں اے گالھ سٹینڈرڈ چارٹرڈ بینک دے چیئرمین جوزے وینالز نال بدھ کوں اتھاں گالھ مہاڑ کریندے ہوئیں کیتی ۔ وزیراعظم آکھیا جو پاکستان دے بینکاری شعبے ویلھا گزرنڑ دے نال متاثر کن اتے مستحکم انداز اچ کارکردگی دا مظاہرہ کیتا ہے۔ انہاں آکھیا جو نمو تے مرکوز پالیسیاں پاروں پاکستان دا شمار ہنڑ ابھردی ہوئی منڈیا ں اچ تھیندا ہے ۔ انہاں آکھیا جو پاکستان دی سٹاک مارکیٹ کوں 2016 اچ 5 بہترین کارکردگی دا مظاہرہ کرنڑ آلی سٹاک مارکیٹس اچ شامل کیتا گیا تے اساڈی موجودہ جی ڈی پی شرح نمو 5.3 فیصد توں ودھ ہے
