اسلام آباد ۔18 مئی(اے پی پی) وفاقی وزیر پانڑیں تے بجلی خواجہ آصف آکھیا ہے جو پیسکو اچ گزریل ڈینھ اساڈے دفتر تے حملہ کیتا گیا تے ملازماں کوں ماریا گیا املاک کوں ضیان پجا تے اساکوں مندے کڈھیے گے ‘ پیسکو دے 828 فیڈرز اچوں252 زیرو لوڈشیڈنگ تے چلدے پے ہن جیں دی پورے ملک اچ مثال نی ملدی ۔ خمیس کوں قومی اسمبلی اچ وفاقی وزیر پانڑیں تے بجلی خواجہ محمد آصف آکھیا جو جلوس کڈھنڑ نال کوئی فرق کائناں پوسی ۔کے پی کے حکومت کوں ساری تفصیل دا علم ہے ۔85فیڈر شہری علاقیں اچ ہن جتھاں صرف چھی گھنٹے دی لوڈشیڈنگ ہے ۔71فیڈر تے صرف چار گھنٹے دی لوڈشیڈنگ ہے ۔
