اسلام آباد ۔ 24 مئی (اے پی پی)وزیرداخلہ چوہدری نثار علی خان ‘ پاکستان ٹیلی کمیونیکیشن اتھارٹی(پی ٹی اے)دے چیئرمین کوں سوشل میڈیا دے بطور ہک مثبت ،تعمیری اتے صحت مندانہ تعامل دے میڈیم دے طور استعمال کوں یقینی بنڑاونڑ سانگے فریم ورک دی تشکیل دے ضمن اچ معیاری طریقہ ہائے کار ایس او پیز وضع کرنڑ دی ہدایت کیتی اے تانجو سماجی تعاومل دے ایں اہم ذریعہ کوں غلط معلومات،بدنام کرنڑ آلے تبصریاں،قابل احترام شخصیات،قومی اداریاں اتے کہیں خاص قسم دی کمیونٹی دے سماجی،مذہبی اتے ثقافتی اقدار دا مذاق اڈاونڑ دی بجائے خیالات اتے نظریات دے تبادلے دا موثر پلیٹ فارم بنڑایا ونج سگے۔وزیرداخلہ ایں گالھیں بدھ کوں اتھاں وزارت داخلہ اچ اعلیٰ سطح اجلاس دی صدارت کریندیں ہوئیں آکھی۔اجلاس اچ سیکرٹری داخلہ،چئیرمین پی ٹی اے،ایڈوکیٹ جنرل، چئیرمین نادرا، آئی جی اسلام آباد پولیس، ایف آئی اے ، اسلام آباد پولیس ، نادرا اتے وزارت دے سینئر حکام شریک تھیے۔وزیرداخلہ سوشل میڈیا پلیٹ فارمز دے مثبت استعمال کوں یقینی بنڑاونڑ سانگے فریم ورک دی تشکیل تے اتفاق رائے سانگے سپیکر قومی اسمبلی توں ساری سیاسی جماعتاں دے نمائندیاں دا اجلاس سڈنڑ دی درخواست ڈتی اے۔
