اسلام آباد ۔ 9 مئی (اے پی پی) چیئرمین سینیٹ میاں رضاربانی نال رومانیہ دے سفیر نیکو لے گویا منگل کوں پارلیمنٹ ہاوس اچ ملاقات کیتی تے سانجھے دلچسپی دے امور تے خاص طور تے پاکستان رومانیہ سانجھے تعاون کوں مزید ودھارا ڈیونڑ تے پارلیمانی رابطے کوں ودھاونڑ تے تبادلہ خیال کیتا ۔چیئر مین سینٹ میاں رضا ربانی آکھیا جو پاکستان رومانیہ دے نال اپنڑے ڈو پاسے دے تعلقات کوں قدر دی نگاہ نال ڈیکھدا ہے تے اساڈی خواہش ہے جو انہاں تعلقات کوں ڈوجھے شعبیں اچ وسعت ڈتی ونجے ۔انہاں آکھیا جو پارلیمانی سفارت کاری دا فائدہ چیندے ہوئیں ڈوہیں ملکاں وچال پارلیمانی سطح تے رابطے کوں مزید مستحکم کیتا ونج سگدا ہے ۔میاں رضا ربانی تعلیمی شعبے اچ ڈوہیں ملکاں وچال تعاون کوں ودھارا ڈیونڑ دی اہمیت تے وی زور ڈتا تاں جو عوامی سطح تے رابطے کوں ودھایا ونج سگے ۔
