کھلاڑیاں قوم کوں خوشیاں ڈتیاں، ملک دا ناں اچا کیتا وزیر مملکت اطلاعات، نشریات تے قومی ورثہ مریم اورنگزیب دی قومی کرکٹ ٹیم کوں ویسٹ انڈیز دے خلاف تاریخی فتح تے مبارخ باد

اسلام آباد ۔15 مئی (اے پی پی) وزیر مملکت اطلاعات، نشریات تے قومی ورثہ مریم اورنگزیب قومی کرکٹ ٹیم کوں ویسٹ انڈیز دے خلاف تاریخی فتح تے مبارخ ڈیندے ہوئیں آکھیا ہے جو پاکستان ویسٹ انڈیز اچ پہلی واری ٹیسٹ سیریز جت تے تاریخ رقم کر ڈتی ہے جیں تے سارے کھلاڑی تے ٹیم انتظامیہ مبارخ باد دی مستحق ہے ۔سنوار کوں اپنڑے بیان اچ وزیر مملکت اطلاعات مریم اورنگزیب آکھیا جو قومی کرکٹ ٹیم دے کھلاڑیاں دی کاکردگی قابل تعریف ہے ۔کھلاڑیاں قوم کوں خوشیاں ڈتیاں تے ملک دا ناں اچا کیتا ہے ۔انہاں آکھیا جو محنت تے عزم تے جذبے نال کوئی وی کم کیتا ونجے تاں اللہ سئیں کامیابی ڈیندا ہے ۔انہاں آکھیا جو مصباح الحق اتے یونس خان دی زندگی اچ ہک کامیاب باب دا ودھارا تھیا ہے ۔ انہاں آکھیا جو وزیراعظم محمد نواز شریف دی قیادت اچ کھیڈاں دے ودھارے سانگے سارے ضروری اقدامات کیتے ویندے پے ہن ۔