سیاسی جماعتاں تے قومی اقتصادی ایجنڈے تے اتفاق رائے پیدا کرن’ اقتصادی ایجنڈا پاکستان دی بقاء اتے ترقی تے خوشحالی دی ضمانت ہے’ وزیر خزانہ سینیٹر اسحاق ڈار

اسلام آباد ۔ 14جون (اے پی پی) وزیر خزانہ سینیٹر اسحاق ڈار اپوزیشن جماعتاں کوں ہک واری ولا دعوت ڈتی ہے جو او قومی اقتصادی ایجنڈے تے اتفاق رائے پیدا کرن’ اقتدار آونڑیں ونجنڑیں چیز ہے لیکن اے اقتصادی ایجنڈا پاکستان دی بقاتے ترقی و خوشحالی دی ضمانت ہے’ میں اللہ کوں حاضر ناظر جانڑ تے اکھینداں جو جے آئی ٹی دی کارروائی دے حوالے نال کہیں وی ادارے دے کم اچ رکاوٹ پاتی نہ ہی اگی تے پیساں ‘ قانون دی حکمرانی تے آئین دی بالادستی اساں ساریں دی پہلی ترجیح تھیونڑیں چاہیدی ا ہے ۔ بدھ کوں قومی اسمبلی اچ اظہار خیال کریندے ہوئیں وزیر خزانہ اسحاق ڈار آکھیا جو آندے مالی سال دے بجٹ دے حوالے نال سینیٹ توں موصول تھیونڑ آلے 75دے نیڑے سفارشاں کوں کلی یا جزوی طورتے منظور کیتا گیا ہے ۔انہاں آکھیا جو سینیٹ اچ ساریاں جماعتاں دی نمائندگی ہے ۔اتھاں حکومتی تے اپوزیشن ساریاں جماعتاں دے بجٹ دے حوالے نال اپنڑاں چنگاں کردار ادا کیتا ہے ۔انہاںہک واری ولا اپوزیشن کوں دعوت ڈتی جو او قومی اقتصادی ایجنڈے تے رمضان دے بعد ایں ایوان اچ بہہ تے اتفاق رائے پیدا کرن ۔اے اللہ بہتر جانڑدا ہے جو 2018توں 2023تئیں کون اقتدار اچ آسی ۔