آئی سی سی چیمپئنز ٹرافی اچ بھارت دے خلاف کامیابی اچ ٹیم دی محنت اتے رمضان المبارک اچ کیتی ونجنڑ آلی دعاواں دا نتیجہ اے،ٹارگٹ 2019ءدا ورلڈکپ اے،کوشش ہوسی جو ورلڈکپ توں ہک یا ڈیڈھ سال پہلے آپنڑے کمبی نیشن کوں فائنل کر گھنوں اتے ولا تبدیلی نہ ہووے،انضمام الحق

لاہور۔19 جون (اے پی پی )چیف سلیکٹر انضمام الحق آکھیا جو آئی سی سی چیمپئنز ٹرافی اچ بھارت دے خلاف کامیابی اچ ٹیم دی محنت اتے رمضان المبارک اچ کیتی ونجنڑ آلی دعاواں دا نتیجہ اے،ٹارگٹ 2019ءدا ورلڈکپ اے،کوشش ہوسی جو ورلڈکپ توں ہک یا ڈیڈھ سال پہلے آپنڑے کمبی نیشن کوں فائنل کر گھنوں اتے ولا تبدیلی نہ ہووے۔انہاں آکھیا جو آئی سی سی چیمپئنز ٹرافی اچ کامیابی نال قومی کرکٹ اچ بہوں بہتری امسی۔انگلینڈ اچ نینگر کھڈاریاں بہوں چنگی پرفارمنس ڈتی۔میڈا تجربہ آکھدے جو اے کھڈاری آپنڑے کیریئر دے شروع اچ چنگی پرفارمنس ڈیندن انہاں دا کیریئر لمبا ہوندے۔امید اے جو او مستقبل اچ وی پاکستان سانگے کئی کامیابیاں گھنسوں۔انہاں آکھیا جو حسن علی اتے فخر زمان بہوں چنگی کارکردگی ڈکھائی اے۔