آندے 24گھنٹے دے دوران اسلام آباد، راولپنڈی، گوجرانوالہ، سرگودھا، لاہور، فیصل آباد، بہاولپور ڈویژن کشمیر اچ کہیں کہیںجاہ تے تکھی ہوا ،تے کھمنڑ نال مینھ وسنڑ دا امکا ن ، محکمہ موسمیات

اسلام آباد ۔ 21 جون (اے پی پی) محکمہ موسمیات دے مطابق آندے 24گھنٹے دے دوران خیبرپختونخو، فاٹا، اسلام آباد، راولپنڈی، گوجرانوالہ، سرگودھا، لاہور، فیصل آباد، بہاولپور ڈویژن اتے کشمیر اچ کہیں کہیںجاہ تے تکھی ہوا/اندھاری تے کھمنڑ نال مینھ وسنڑ دا امکان جڈاں جو کجھ جہیں تے موسلا دھار مینھ وسنڑ دی توقع ہے ۔رپورٹ دے مطابق سندھ دے ساحلی علاقیں اچ کجھ جہیں تے ہلکا مینھ وسنڑ دا امکان ہے جڈاں جو ملک دے بئے علاقیں اچ موسم رکھا تے گرم رہ ویسی ۔گزریل 24گھنٹے دے دوران لاہور، سرگودھا، گوجرانوالہ ،ڈی جی خان، ملتان، بہاولپوررحیم یار خان ،خان پور ،لیاقت پور ،احمد پور شرقیہ ،صادق آباد مالاکنڈ، ہزارہ ڈویژن، کشمیر اتے گلگت بلتستان اچ کہیں کہیںجاہ تے تکھی ہوا تے کھمنڑ نال مینھ وسیا جڈاں جو ملک دے بئے علاقیں اچ موسم رکھا تے گرم رہیا ۔