آندے 24گھنٹے دے دوران اسلام آباد سمیت اتلے پنجاب ،کشمیر ،کے پی کے فاٹا اچ کھمنڑ نال مینھ وسنڑ دا امکان ہے ،محکمہ موسمیات

اسلام آباد ۔ 20 جون (اے پی پی) محکمہ موسمیات دے مطابق آندے 24گھنٹے دے دوران خیبرپختونخوا، فاٹا، اسلام آباد، اتلے پنجاب اتے کشمیر اچ کہیں کہیں جاہ تے تکھیا ں ہوائیں /اندھاری تے کھمنڑ نال مینھ تے کجھ جہیں تے ودھ سارا مینھ وسنڑ دا امکان ہے۔ جنوبی پنجاب، گلگت بلتستان اتے ژوب ڈویژن اچ کجھ جہیں تے تکھی ہوا /اندھاری تے کھمنڑ نال مینھ جڈاں جو سندھ دے ساحلی علاقیں اچ کجھ جہیں تے ہلکاں مینھ وسنڑ دا امکا ن ہے ۔ملک دے بئے علاقیں اچ موسم رکھا تے گرم رہسی ۔رپورٹ دے مطابق گزریل 24 گھنٹے دے دوران اسلام آباد، راولپنڈی، گوجرانوالہ، لاہور ڈویژن اچ کہیں کہیں جاہ تے جڈاں جو مالاکنڈ، ہزارہ، ملتان، ڈی جی خان، بہاولپور ڈویژن، بارکھان اتے کشمیر اچ کجھ جہیں تے تکھی ہوا تے کھمنڑ نال مینھ وسیا جڈاں جو ملک دے بئے علاقیں اچ موسم رکھا تے گرم رہیا۔